22.03.2011 17:43

Afmælisljóð Friðriks til Gísla

 

  Friðrik Hansen/Ætti ég hörpu

   útg. Hannes Pétursson 1982

Skáldið í dalnum

- Gísli Ólafsson - 

 

Sé ég til baka. Silfrar máni tinda
og svellin gljá við dalabýlin fríð.

Áin í buga bregður sléttum linda

úr bláum ís, sem speglar bratta hlíð.

Fjarlægir, hvítir hnjúkar standa í röðum

hylla nýfætt skáld á Eiríksstöðum.

 

Sé ég til baka: Sumarhaga fríða

sólfagrar myndir rísa bjarta nótt.

Í friðsælum hvömmum kvikir lækir líða

litfagrar rósir döggvast - allt er hljótt.

Vængbreiðir svanir fljúga fram til heiða.

Fjarlægðir bláar skáld til drauma leiða.

 

 

Sé ég til baka - heyri hörpustrengi

hljóma um berjamó í fjallaþröng.

Kveðin er vísa á túni og úti á engi

og ástir dalsins lifna í nýjum söng.

Risfríðir, háir hnjúkar standa í röðum

hylla sextugt skáld á Eiríksstöðum.

                                        Friðrik Hansen ort 1945

 

Flettingar í dag: 115
Gestir í dag: 28
Flettingar í gær: 31
Gestir í gær: 20
Samtals flettingar: 478550
Samtals gestir: 92242
Tölur uppfærðar: 3.4.2020 19:53:22