01.05.2010 22:12

Skeggsstaðaætt Upphaf

 

                 Guðmundur Sigurður Jóhannsson

 

 

         Húnvetnskir ættstuðlar

 

 

                                               Skeggsstaðaætt - um ættforeldrana

 

Skeggsstaðaætt er rakin frá hjónunum Jóni Jónssyni og Björgu Jónsdóttur, sem bjuggu á Skeggsstöðum í Svartárdal á átjándu öld. Fræðaþulurinn Björn Bjarnason á Brandsstöðum í Blöndudal gerir eftirfarandi grein fyrir þeim hjónum í ritgerð sinni um Skeggsstaðaætt: "Maður hét Jón Jónsson. Hann var eyfirskur að ætt. Hann bjó að Skeggsstöðum í Svartárdal. Kona hans hét Björg Jónsdóttir. Móðir hennar var Þóra á Sneis Gunnarsdóttir, ættuð utan af Skaga, og er mikill ættleggur frá honum kominn.

            Þóra átti 19 börn, dó af barnsförum. Börnunum skipt upp. Björg fór að Eiríksstöðum.

            Jón var mikið guðrækinn maður, þolinn og þrautgóður, ráðvandur og reglumaður, en ei atgervismaður að afli né hagleik.

            Björg var fyrir flestum konum að skörungsskap, bústjórn, vinnu og þrifnaði, svo að í áliti var, að trauðlega fyndist í nálægum sveitum hennar líki.

            Á Skeggsstöðum fóru þau að búa árið 174[], kostalausri 30 hundraða jörð. Fljótt fjölgaði málnyta þeirra og bættist brauð með barni. Þau áttu 15 börn og 1 átti hann áður. Tvö af þeim dóu ung, en 14 urðu fullorðin. Má nú hér af sjá, hve mikil snilld hefir verið á búskap þeirra, að eignast fyrst nægan pening og halda honum fram hallærisbálkinn 1752-1759 og hvorum harðindum þau liðu ei nauð. Sandfallið 1766 grandaði ei skepnum hýstum við nóg hey. Fjárfaraldrið kom þar, fyrir umhyggjusemi, seinast hér í sveit, þó að lokum allt fé væri skorið 1779. Og síðast brunafellisárið 1784 lifðu kýrnar og fé nokkurt og hross, svo með bestu búum var, þó slíkt mætti þakka fyrirhyggju systkinanna, því Jón varð karlægur og dó um það leyti.

            Til merkis um siðavendni er það, að þá börn hans voru svo til aldurs komin, að gagn mættu hafa af kirkjugöngu, sat hann fram í kirkju hjá piltum sínum, til þess þeir stilltu fjör sitt og tækju eftir predikaninni, sem hann vanalega spurði þau úr. Hér með höfðu þau systkin harðan vana, en þau voru fljótráð og mjög lífleg og þurftu nákvæmt tillit. Þau voru næm og skilningsgóð og vel lesandi, sem þá var lítt stundað, og urðu mikið guðrækin, siðferðisgóð og hlýðin; fengu söngróm í besta lagi. Ekki var þeim fríðleiki lánaður, en fleiri af þeim sérlega lagleg á fæti, hér með kát og fjörug.

            Snemma voru þau vanin til verka og voru lagin og áköf þar við, urðu dygg og dugleg og fylgdi lán í öllum verkum. Þeir urðu góðir sjómenn og heppnir í ferðalagi. Þær afbragðs vinnukonur að vefnaði (sem þá var örðug kvennavinna) og annarri tóvinnu. Samt allt samvalið til heyskapar og peningshirðingar. Heilsu og þol höfðu þau framúrskarandi, sem sýnir það, að 12 urðu meir en 60 ára og ei nema 2 börn dóu ung, 1 drukknaði fullorðið, en einasta ein stúlka tapaði heilsu og dó á tvítugsaldri." (Skeggsstaðaætt).

            Fræðaþulurinn Gísli Konráðsson í Flatey lýsir þeim Skeggsstaðahjónum á eftirfarandi hátt í Húnvetningasögu: "Jón hét maður er bjó að Skeggsstöðum í Svartárdal Jónsson, fátæks manns, kynjaður norðan úr Þingeyjarþingi að helst er til getið heldur en Vöðluþingi. Hafði hann norðan komið og var nú eigi gamall. Þótti hann lítill fyrir sér og óauðugur að fé. ... Björg systir Sigurðar á Brún, kona Jóns á Skeggsstöðum, var og allrösk kona til hvarvetna og þótti mörgum hún vargefin." (Húnvetningasaga I, bls. 198-199). Ættatölur herma, að Jón hafi verið "smámenni, þó kartinn" (Ættatölub. Jóns Espólíns, 4758).

            Jón átti barn í lausaleik með Guðrúnu Ólafsdóttur í Bergsstaðaprestakalli árið 1733 eða árið 1734, og var það fyrsta barneign beggja. (Skjalasafn Rentukammers Y-42). Hefur hann gengið í hjúskap með Björgu nokkrum árum síðar. Jón lagði fram kæru á hendur Ormi Sigurðssyni, margdæmdum þjófi, á manntalsþingi að Bólstaðarhlíð árið 1757, fyrir að hafa aðfaranótt hins 31. mars 1757 brotist inn um útidyr á bæ sínum, Skeggsstöðum, og síðan inn í búrið og stolið þar fimmtán mörkum smjörs, þremur fiskum, fimm leðurskæðum, þverbakspoka, saxi og sauðarskinni. (Dómab. Hún. 7. maí 1757). Var Ormur dæmdur til hengingar fyrir þessar tiltektir, og má honum þó hafa verið nokkur vorkunn, því hart var í ári. Lausafjártíund Jóns á árunum 1744-1782 var á bilinu fimm til tíu hundruð, en lausafjártíund Bjargar á árunum 1782-1791 var á bilinu ellefu til sextán hundruð.

            Páll Kolka læknir á Blönduósi segir um niðja Jóns á Skeggsstöðum: "Margir afkomendur hans voru búmenn miklir og fjáraflamenn, duglegir áróðursmenn og framgjarnir, frekar ljósir yfirlitum, stórskornir nokkuð og ekki fríðir." (Föðurtún, bls. 462).

            Magnús Björnsson á Syðra-Hóli gefur ættinni eftirfarandi vitnisburð: "Það sem mest einkenndi fólk af Skeggsstaðaætt var mikið vinnuþrek, kappgirni og hneigð til fjársöfnunar. Létt lund og gamansemi kom þar víða fram, en fleiri voru þó fastlyndir og einhuga þar sem þeir beittu sér. Margir urðu þar efnamenn miklir" (Hrakhólar og höfuðból, bls. 45).

            Einn laukur Skeggsstaðaættar, Bjarni Jónasson fræðimaður í Blöndudalshólum í Blöndudal, lýsir frændgarðinum svo: "Margt er þar um dugmikla bændur og ýmsir þeirra ættmenna hafa komist til mannaforráða og gegnt ábyrgðarmiklum störfum í þjóðfélaginu. Á það má til dæmis benda að á Alþingi hafa setið um tveir tugir niðja þeirra Skeggsstaðahjóna." (Húnavaka 1978, bls. 65-66).

 

                                 SKEGGSSTAÐAÆTT

Jón Jónsson, f. um 1709 á Neðri-Dálksstöðum á Svalbarðsströnd, d. 1782 eða 1783 á Skeggsstöðum í Svartárdal. Foreldrar: Jón Jónsson bóndi á Neðri-Dálksstöðum og kona hans Steinunn Jónsdóttir. Vinnupiltur á Miklabæ í Blönduhlíð. Hann gæti verið sá sem bjó á Litlu-Leifsstöðum í Svartárdal 1739-1740 og í Eiríksstaðakoti í Svartárdal 1740-1741. Bóndi á Skeggsstöðum 1744 til æviloka. Barnsmóðir, ls. 1733 eða 1734, Guðrún Ólafsdóttir, f. nál. 1705, á lífi í Bergsstaðaprestakalli í Húnavatnssýslu 1734. Barn þeirra: a) Guðrún, f. 1733 eða 1734. Kona: Björg Jónsdóttir, f. um 1718, á lífi í Þverárdal á Laxárdal fremri 1801. Hún bjó ekkja á Skeggsstöðum 1783-1787 og í Þverárdal 1787-1791. Börn þeirra: b) Ingibjörg, f. um 1740, c) Eyjólfur, f. 1743, d) Ingiríður, f. 1744, e) Jón, f. um 1745, f) Guðmundur, f. nál. 1747, g) Guðmundur, f. nál. 1747, h) Guðmundur, f. 1749, i) Ingiríður, f. um 1750, j) Guðrún, f. um 1751, k) Björg, f. um 1753, l) Sigríður, f. um 1755, m) Valgerður, f. um 1757, n) Ingibjörg, f. um 1760, o) Eyjólfur, f. 1761, p) Einar, f. 1766.

1aGuðrún Jónsdóttir, f. 1733 eða 1734 í Bergsstaðaprestakalli, d. 5. okt. 1805 í Sólheimum í Svínavatnshreppi. Húsfreyja í Hvammi í Langadal 1762-1763. Skylduhjú í Sólheimum 1800 til æviloka. Hún er kennd við Finnstungu. (Svipir og sagnir, bls. 111-112). Maður, g. 12. maí 1762, Árni Einarsson, f. um 1692, á lífi í Hvammi 1762. Hann var bóndi á Móbergi í Langadal 1733-1740, á Sneis á Laxárdal fremri 1744-1746 og í Hvammi 1752-1763. Foreldrar: Einar Bessason bóndi á Móbergi og kona hans Guðrún Árnadóttir. - 1762 var hjá þeim einn drengur 1 árs. - Barn þeirra: a) Steinunn, f. um 1764.

2aSteinunn Árnadóttir, f. um 1764 í Hvammi, d. 22. febr. 1843 í Stóradal í Svínavatnshreppi. Vinnukona á Hóli í Svartárdal 1785-1786 og í Stafni í Svartárdal 1786-1790. Bústýra á Leifsstöðum í Svartárdal 1800-1801. Húsfreyja á Æsustöðum í Langadal 1816-1819 og í Tungunesi á Bakásum 1819-1832. Húskona í Tungunesi 1834-1835. Próventukona í Stóradal 1835 til æviloka. Maður: Ólafur Jónsson, f. um 1763 í Rugludal í Blöndudal, d. 10. okt. 1831 í Tungunesi. (Skiptab. Hún. 30. maí 1832). Hann var bóndi á Æsustöðum 1785-1819. Foreldrar: Jón Bjarnason bóndi í Rugludal og kona hans Margrét Sveinsdóttir. Barn þeirra: a) barn.

3aÓlafsbarn, dó ungt. (Ættatölub. Jóns Espólíns, 5593).

1bIngibjörg Jónsdóttir, f. um 1740, á lífi á Skeggsstöðum 1762. Vinnukona á Skeggsstöðum.

1cEyjólfur Jónsson, f. 1743, d. 16. maí 1807 á Eiríksstöðum í Svartárdal. (Skiptab. Hún. 15. júní og 28. júlí 1807). Búlaus á Skeggsstöðum 1780-1786. Bóndi í Hvammi í Svartárdal 1786-1787 og á Eiríksstöðum 1787 til æviloka. Kona, g. 1786, Þorbjörg Pétursdóttir, f. um 1759 í Stafni í Svartárdal, d. 23. jan. 1836 á Eiríksstöðum. (Skiptab. Hún. 19. maí 1836). Hún bjó ekkja á Eiríksstöðum 1807 til æviloka. Foreldrar: Pétur Ólafsson bóndi í Stafni og kona hans Solveig Egilsdóttir. Börn þeirra: a) Björg, f. um 1787, b) Valgerður, f. 1789, c) Pétur, f. um 1793, d) Eyjólfur, f. 1795, e) barn.

2aBjörg Eyjólfsdóttir, f. um 1787 á Eiríksstöðum, d. 28. júní 1869 á Eyvindarstöðum í Blöndudal. (Skiptab. Hún. 5. okt. 1869). Húsfreyja á Eyvindarstöðum 1829-1856. Maður, g. 26. sept. 1829, Ólafur Tómasson, f. um 1790 á Eiðsstöðum í Blöndudal, d. 11. ágúst 1855 á Eyvindarstöðum. Hann var bóndi á Eyvindarstöðum 1815 til æviloka. Foreldrar: Tómas Tómasson bóndi á Eiðsstöðum og kona hans Ingiríður Jónsdóttir. Barn þeirra: a) Ingiríður, f. 2. júlí 1830.

3aIngiríður Ólafsdóttir, f. 2. júlí 1830 á Eyvindarstöðum, d. 3. apríl 1847 á Eyvindarstöðum.


2bValgerður Eyjólfsdóttir, f. 1789 á Eiríksstöðum, d. 27. júlí 1846 á Torfustöðum í Svartárdal. Húsfreyja á Hóli í Svartárdal 1818-1829 og á Torfustöðum 1829 til æviloka. Maður, g. 15. okt. 1818, Guðmundur Björnsson, f. um 1796 á Bollastöðum í Blöndudal, d. 22. júní 1846 í Landakoti á Álftanesi. Foreldrar: Björn Ólafsson bóndi í Sellandi í Blöndudal og kona hans Þórunn Helgadóttir. Barn þeirra: a) Þorbjörg, f. 17. okt. 1820.

3aÞorbjörg Guðmundsdóttir, f. 17. okt. 1820 á Hóli, d. 29. jan. 1880 á Eiríksstöðum í Svartárdal. (Skiptab. Hún. 28. maí 1880). Húsfreyja á Torfustöðum í Svartárdal 1846-1851, á Eiríksstöðum í Svartárdal 1851-1857 og á Torfustöðum 1857-1879. Húskona á Eiríksstöðum 1879 til æviloka. Maður, g. 12. okt. 1841, Árni Sigurðsson, f. um 1803 í Stafni í Svartárdal, d. 2. sept. 1878 á Torfustöðum. (Skiptab. Hún. 28. maí 1880). Foreldrar: Sigurður Jónsson bóndi í Stafni og seinni kona hans Helga Jónsdóttir.

2cPétur Eyjólfsson, f. um 1793 á Eiríksstöðum, d. 7. sept. 1844 á Eiríksstöðum. (Skiptab. Hún. 2. maí 1845). Bóndi á Eiríksstöðum 1833 til æviloka. Kona, g. 29. maí 1833, Málfríður Jónatansdóttir, f. 9. febr. 1805 í Eyvindarstaðagerði í Blöndudal, d. 2. okt. 1883 í Eiríksstaðakoti í Svartárdal. Hún var bústýra í Eiríksstaðakoti 1827-1833, en húsfreyja á Eiríksstöðum 1833-1851, í Eiríksstaðakoti 1851-1868 og á Eiríksstöðum 1868-1873. Foreldrar: Jónatan Jónsson bóndi í Eyvindarstaðagerði og kona hans Margrét Þorkelsdóttir. Börn þeirra: a) Ingiríður, f. 13. sept. 1833, b) Eyjólfur, f. 11. nóv. 1834, c) Jón, f. 21. nóv. 1835, d) Þorbjörg, f. 1. jan. 1837, e) Sigfús, f. 11. nóv. 1840.

3aIngiríður Pétursdóttir, f. 13. sept. 1833 á Eiríksstöðum, d. 1. jan. 1866 í Eiríksstaðakoti í Svartárdal. Vinnukona í Eiríksstaðakoti 1851 til æviloka.

3bEyjólfur Pétursson, f. 11. nóv. 1834 á Eiríksstöðum, d. 3. des. 1854 í Sjávarborgarsókn í Skagafjarðarsýslu. (Skiptab. Skag. 15. nóv. 1855). Vinnumaður í Eiríksstaðakoti í Svartárdal 1850-1851, á Leifsstöðum í Svartárdal 1851-1852 og á Krithóli á Neðribyggð 1852 til æviloka.

3cJón Pétursson, f. 21. nóv. 1835 á Eiríksstöðum, d. 22. jan. 1921 í Edmonton í Alberta. (Almanak Ólafs Thorgeirssonar 1922, bls. 107; Lögberg 24. mars 1921). Vinnumaður á Steiná í Svartárdal 1856-1860 og í Kolgröf á Efribyggð 1860-1861. Bóndi í Kolgröf 1861-1876 og í Víðirnesi í Fljótsbyggð í Nýja-Íslandi 1876-1880. Búsettur í Norður-Dakota 1880-1881. Bóndi við Hallson og við Milton í Norður-Dakota 1881-1889. Búsettur í Calgary í Alberta 1889-1890. Bóndi við Sólheimapósthús í Alberta 1890-1906. Kona, g. 23. okt. 1860, Ingunn Ólafsdóttir, f. 6. nóv. 1841 á Steiná, d. 15. maí 1912 í Edmonton. (Almanak Ólafs Thorgeirssonar 1913, bls. 113; Lögberg 11. júlí 1912). Hún var búsett í Winnipeg í Manitoba 1880-1881. Foreldrar: Ólafur Oddsson bóndi á Steiná og miðkona hans Sigríður Guðmundsdóttir.

3dÞorbjörg Pétursdóttir, f. 1. jan. 1837 á Eiríksstöðum, d. 11. jan. 1837 á Eiríksstöðum.

3eSigfús Pétursson, f. 11. nóv. 1840 á Eiríksstöðum, d. 23. jan. 1880 í Skyttudal á Laxárdal fremri. Bóndi á Eiríksstöðum 1872-1877. Vinnumaður á Refsstöðum á Laxárdal fremri 1877-1879. Húsmaður á Refsstöðum 1879 til æviloka. Kona, g. 20. júní 1873, Engilráð Margrét Sigurðardóttir, f. 16. sept. 1848 í Hvammi á Laxárdal fremri, d. 28. maí 1922 í Pembina í Norður-Dakota. (Almanak Ólafs Thorgeirssonar 1924, bls. 102; Lögberg 17. maí 1923). Hún var bústýra á Refsstöðum 1881-1882, en húsfreyja á Refsstöðum 1882-1886 og í Grundargerði á Laxárdal fremri 1886-1887. Foreldrar: Sigurður Sigurðsson bóndi á Refsstöðum og kona hans Helga Jónsdóttir.

2dEyjólfur Eyjólfsson, f. 1795 á Eiríksstöðum, d. 16. des. 1860 á Geithömrum í Svínadal. Bóndi á Barkarstöðum í Svartárdal 1837-1853. Húsmaður í Holti í Svínadal 1853-1855. Vinnumaður í Sólheimum í Svínavatnshreppi 1855-1857, í Litladal í Svínavatnshreppi 1857-1858, á Auðkúlu í Svínadal 1858-1859 og á Geithömrum 1859 til æviloka. Kona, g. 27. sept. 1834, Kristín Jónsdóttir, f. um 1791 á Refsstöðum á Laxárdal fremri, d. 3. júní 1862 á Geithömrum. Hún var vinnukona í Holti 1855-1857 og á Auðkúlu 1857-1859. Foreldrar: Jón Jónsson bóndi á Refsstöðum og kona hans Ingibjörg Guðmundsdóttir. Barn þeirra: a) Björg, f. 19. sept. 1835.

3aBjörg Eyjólfsdóttir, f. 19. sept. 1835 á Eiríksstöðum í Svartárdal, d. 14. ágúst 1884 á Stóra-Búrfelli í Svínavatnshreppi. Húsfreyja í Holti í Svínadal 1853-1861. Vinnukona á Stóra-Búrfelli 1862-1863, á Stóru-Giljá í Þingi 1863-1864, í Holti 1864-1865, á Hjallalandi í Vatnsdal 1865-1869, á Bergsstöðum í Svartárdal 1869-1870, í Hvammi í Langadal 1870-1871, í Litladal í Svínavatnshreppi 1871-1873, í Gafli í Svínadal 1873-1877, á Geithömrum í Svínadal 1877-1878, í Litladal 1878-1881, í Holti 1881-1883 og í Litladal 1883-1884. Maður, g. 25. maí 1853, Illugi Ásmundsson, f. 27. ágúst 1832 í Hvammi, d. 4. júlí 1904 á Guðlaugsstöðum í Blöndudal. Hann var vinnumaður á Auðkúlu í Svínadal 1871-1872, í Ljótshólum í Svínadal 1876-1878, á Auðkúlu 1878-1883 og 1884-1889. Foreldrar: Ásmundur Illugason bóndi í Holti og kona hans Helga Guðmundsdóttir.

2eEyjólfsbarn, dó ungt. (Skeggsstaðaætt).

1dIngiríður Jónsdóttir, f. 1744 á Skeggsstöðum, d. 6. des. 1823 í Kálfárdal á Skörðum. Búlaus í Eiríksstaðakoti í Svartárdal 1773-1775. Húsfreyja í Eiríksstaðakoti 1775-1778 og í Kálfárdal 1778 til æviloka. Fyrri maður, g. 1770, Þorkell Þorleifsson, f. um 1743, d. 1775 eða 1776 í Eiríksstaðakoti. Foreldrar: Þorleifur Þorkelsson bóndi í Eiríksstaðakoti og kona hans Margrét Jónsdóttir. Börn þeirra: a) Þorleifur, f. 1771, b) Margrét, f. 1772, c) Björg, f. 1773, d) Ingiríður, f. 1774. Seinni maður, g. 1777 eða 1778, Jón Jónsson, f. um 1751 í Ásbjarnarnesi í Vesturhópi, d. 11. ágúst 1825 í Kálfárdal. Hann var búlaus í Eiríksstaðakoti 1775-1777. Foreldrar: Jón Árnason bóndi í Bólstaðarhlíð í Bólstaðarhlíðarhreppi og fyrri kona hans Margrét Jónsdóttir. Börn þeirra: e) Þorkell, f. 1779, f) Margrét, f. um 1783, g) Guðrún, f. 1786, h) barn, i) barn.

2aÞorleifur Þorkelsson, f. 1771 í Eiríksstaðakoti, d. 5. okt. 1838 í Stóradal í Svínavatnshreppi. (Skiptab. Hún. 28. maí 1839). Vinnumaður í Stóradal 1804-1808. Bóndi í Stóradal 1808 til æviloka. Kona, g. 6. ágúst 1804, Ingibjörg Guðmundsdóttir, f. 1782 í Þverárdal á Laxárdal fremri, d. 17. des. 1859 í Stóradal. (Skiptab. Hún. 1. og 26. maí 1860 og 2. des. 1862). Hún var húsfreyja í Stóradal 1808 til æviloka. Foreldrar: Guðmundur Jónsson bóndi í Stóradal og kona hans Ingibjörg Andrésdóttir. Börn þeirra: a) Ingibjörg, f. 28. sept. 1804, b) Guðrún, f. 5. maí 1806, c) Ingibjörg, f. 25. mars 1807, d) Guðmundur, f. 11. jan. 1809, e) Andrés, f. 1810, f) Elísabet, f. 20. okt. 1814, g) Þorleifur, f. 1815, h) Þorkell, f. 15. apríl 1818, i) Sveinn, f. 12. júlí 1819, j) Elísabet, f. 11. mars 1821, k) Salóme, f. 12. nóv. 1822, l) Þorkell, f. 7. nóv. 1824, m) Ingibjörg Salóme, f. 30. ágúst 1826.

3aIngibjörg Þorleifsdóttir, f. 28. sept. 1804 í Stóradal, d. 1. ágúst 1886 í Bólstaðarhlíð í Bólstaðarhlíðarhreppi. (Skiptab. Hún. 19. des. 1887). Húsfreyja á Holtastöðum í Langadal 1826-1828 og í Bólstaðarhlíð 1828-1881. Maður, g. 31. maí 1826, Klemens Klemensson, f. 1795 í Höfnum á Skaga, d. 2. maí 1883 í Bólstaðarhlíð. (Skiptab. Hún. 24. maí, 19. júní og 13. okt. 1884). Foreldrar: Klemens Jónsson bóndi í Höfnum og kona hans Margrét Guðmundsdóttir.

3bGuðrún Þorleifsdóttir, f. 5. maí 1806 í Stóradal, d. 10. okt. 1885 í Geldingaholti í Seyluhreppi. Húskona í Bólstaðarhlíð í Bólstaðarhlíðarhreppi 1828-1835. Húsfreyja á Mánaskál á Laxárdal fremri 1835-1836, á Núpi á Laxárdal fremri 1836-1837, á Litla-Búrfelli í Svínavatnshreppi 1837-1843 og í Geldingaholti 1843-1879. Bústýra í Geldingaholti 1879-1884 og á Frostastöðum í Blönduhlíð 1884-1885. Maður, g. 21. maí 1835, Halldór Magnússon, f. 4. júní 1807 í Hvammi í Laxárdal ytri, d. 28. mars 1865 í Geldingaholti. Foreldrar: Magnús Magnússon prestur í Glaumbæ á Langholti og seinni kona hans Sigríður Halldórsdóttir. Sambýlismaður: Ásgrímur Þorsteinsson, f. 4. okt. 1833 í Svínavallakoti í Unadal, d. 5. des. 1913 í Geldingaholti. Hann var ráðsmaður í Geldingaholti 1867-1879, en bóndi í Geldingaholti 1879-1884, á Frostastöðum 1884-1885 og í Geldingaholti 1885-1898. Foreldrar: Þorsteinn Ásgrímsson bóndi á Spáná í Unadal og kona hans Sigríður Styrbjörnsdóttir.

3cIngibjörg Þorleifsdóttir, f. 25. mars 1807 í Stóradal, d. 7. maí 1808 í Stóradal.

3dGuðmundur Þorleifsson, f. 11. jan. 1809 í Stóradal, d. 16. júlí 1864 á Mánaskál á Laxárdal fremri. Bóndi í Bólstaðarhlíð í Bólstaðarhlíðarhreppi 1833-1835 og á Mánaskál 1835 til æviloka. Kona, g. 18. maí 1833, Ragnheiður Magnúsdóttir, f. 10. sept. 1809 í Hvammi í Laxárdal ytri, d. 4. júní 1874 í Tungunesi á Bakásum. (Skiptab. Hún. 22. júní 1874). Hún bjó ekkja á Mánaskál 1864-1865. Foreldrar: Magnús Magnússon prestur í Glaumbæ á Langholti og seinni kona hans Sigríður Halldórsdóttir.

3eAndrés Þorleifsson, f. 1810 í Stóradal, d. 23. apríl 1865 á Geithömrum í Svínadal. Ráðsmaður á Auðkúlu í Svínadal 1832-1833. Bóndi á Stóra-Búrfelli í Svínavatnshreppi 1833-1848, í Litladal í Svínavatnshreppi 1848-1856, á Auðkúlu 1856-1859 og á Geithömrum 1859 til æviloka. Kona, g. 16. okt. 1833, Ingiríður Pálmadóttir, f. 1815 eða 1816 í Sólheimum í Svínavatnshreppi, d. 2. júlí 1886 í Sólheimum. Hún var húsfreyja á Geithömrum 1859-1867 og í Sólheimum 1867 til æviloka. Foreldrar: Pálmi Jónsson bóndi í Sólheimum og kona hans Ósk Erlendsdóttir.

3fElísabet Þorleifsdóttir, f. 20. okt. 1814 í Stóradal, d. 6. sept. 1820 í Stóradal.

3gÞorleifur Þorleifsson, f. 1815 í Stóradal, d. 30. nóv. 1892 á Löngumýri í Vallhólmi. Bóndi á Ytri-Löngumýri í Blöndudal 1844-1845, á Geithömrum í Svínadal 1845-1859, á Botnastöðum í Svartárdal 1859-1861, í Syðri-Mjóadal á Laxárdal fremri 1861-1862, í Skyttudal á Laxárdal fremri 1862-1866 og á Þorbrandsstöðum í Langadal 1866-1867. Húsmaður í Sólheimum í Svínavatnshreppi 1868-1874. Bóndi í Torfgarði á Langholti 1874-1876 og í Saurbæ á Neðribyggð 1876-1879. Húsmaður á Stóru-Seylu á Langholti 1879-1880 og á Halldórsstöðum á Langholti 1880-1881. Kona, g. 13. okt. 1843, Ingibjörg Magnúsdóttir, f. 20. jan. 1823 í Glaumbæ á Langholti, d. 4. okt. 1878 í Saurbæ. Hún var húskona á Frostastöðum í Blönduhlíð 1867-1868. Foreldrar: Magnús Magnússon prestur í Glaumbæ og seinni kona hans Sigríður Halldórsdóttir.

3hÞorkell Þorleifsson, f. 15. apríl 1818 í Stóradal, d. 28. apríl 1818 í Stóradal.

3iSveinn Þorleifsson, f. 12. júlí 1819 í Stóradal, d. 12. sept. 1885 í Stóradal. Ráðsmaður á Snæringsstöðum í Svínadal 1847-1848. Bóndi á Snæringsstöðum 1848-1861. Húsmaður á Snæringsstöðum 1865-1867 og í Sólheimum í Svínavatnshreppi 1867-1868. Bóndi á Ytri-Löngumýri í Blöndudal 1868-1872. Húsmaður á Ytri-Löngumýri 1872-1885. Kona, g. 12. apríl 1848, Sigríður Pálmadóttir, f. 16. maí 1829 í Sólheimum, d. 7. sept. 1897 á Ytri-Löngumýri. Hún var húskona í Sólheimum 1867-1869 og á Ytri-Löngumýri 1872 til æviloka. Foreldrar: Pálmi Jónsson bóndi í Sólheimum og kona hans Ósk Erlendsdóttir.

3jElísabet Þorleifsdóttir, f. 11. mars 1821 í Stóradal, d. 17. nóv. 1859 í Tungunesi á Bakásum. (Skiptab. Hún. 24. okt. 1863). Húsfreyja í Tungunesi 1843 til æviloka. Maður, g. 13. okt. 1843, Erlendur Pálmason, f. 28. nóv. 1820 á Holtastöðum í Langadal, d. 28. okt. 1888 í Tungunesi. Hann var bóndi í Tungunesi 1843 til æviloka. Foreldrar: Pálmi Jónsson bóndi í Sólheimum í Svínavatnshreppi og kona hans Ósk Erlendsdóttir.

3kSalóme Þorleifsdóttir, f. 12. nóv. 1822 í Stóradal, d. 1. júlí 1826 í Stóradal.

3lÞorkell Þorleifsson, f. 7. nóv. 1824 í Stóradal, d. 15. febr. 1827 í Stóradal.

3mIngibjörg Salóme Þorleifsdóttir, f. 30. ágúst 1826 í Stóradal, d. 19. apríl 1909 í Stóradal. Húsfreyja í Sólheimum í Svínavatnshreppi 1848-1867 og í Stóradal 1867-1895. Maður, g. 12. apríl 1848, Jón Pálmason, f. 11. júní 1826 í Sólheimum, d. 9. okt. 1886 í Stóradal. Foreldrar: Pálmi Jónsson bóndi í Sólheimum og kona hans Ósk Erlendsdóttir.

2bMargrét Þorkelsdóttir, f. 1772 í Eiríksstaðakoti, d. 22. jan. 1845 á Eiríksstöðum í Svartárdal. Húsfreyja á Steiná í Svartárdal 1797-1798, í Finnstungu í Blöndudal 1800-1803 og í Eyvindarstaðagerði í Blöndudal 1803-1830. Húskona í Eiríksstaðakoti 1830-1832, á Ytri-Löngumýri í Blöndudal 1832-1834 og á Eiríksstöðum 1834 til æviloka. Maður, g. 1796, Jónatan Jónsson, f. um 1770 á Ytri-Ey á Skagaströnd, d. 22. maí 1844 á Eiríksstöðum. Hann var vinnumaður á Finnsstöðum á Skagaströnd 1790. Foreldrar: Jón Jónsson bóndi á Ytri-Ey og kona hans Ingibjörg Jónsdóttir. Börn þeirra: a) Jónas, f. um 1796, b) Ingibjörg, f. um 1797, c) Hannes, f. 1799 eða 1800, d) Málfríður, f. 9. febr. 1805, e) Jón, f. 7. jan. 1807, f) Ingiríður, g) barn, h) barn.

3aJónas Jónatansson, f. um 1796 í Bergsstaðasókn í Húnavatnssýslu, d. 23. júlí 1872 í Stóradal í Svínavatnshreppi. Vinnumaður á Ytri-Löngumýri í Blöndudal 1831-1833, í Sólheimum í Svínavatnshreppi 1834-1837, á Eiríksstöðum í Svartárdal 1837-1842, í Hvammi í Vatnsdal 1842-1843 og í Sólheimum 1843-1845. Húsmaður í Sólheimum 1845-1848. Bóndi í Sólheimum 1848-1849 og á Eiríksstöðum 1849-1850. Húsmaður í Sólheimum 1850-1867 og í Stóradal 1867-1871. Kona, g. 11. okt. 1845, Valgerður Sæmundsdóttir, f. 12. júlí 1807 á Litlu-Seylu á Langholti, á lífi í Sólheimum 1866. Hún var bústýra í Eiríksstaðakoti í Svartárdal 1833-1836. Foreldrar: Sæmundur Jónsson bóndi á Litlu-Seylu og seinni kona hans Valgerður Magnúsdóttir.

3bIngibjörg Jónatansdóttir, f. um 1797 á Gili í Svartárdal, d. 3. nóv. 1818 í Þverárdal á Laxárdal fremri. Vinnukona í Selhaga á Skörðum 1816-1817.

3cHannes Jónatansson, f. 1799 eða 1800 í Finnstungu, d. 4. júní 1887 í Hlíðarseli á Skörðum. Bóndi á Brenniborg á Neðribyggð 1824-1836. Búlaus á Brenniborg 1836-1837. Bóndi á Brenniborg 1837-1840 og í Saurbæ á Neðribyggð 1840-1841. Lausamaður í Selhaga á Skörðum 1844-1845. Vinnumaður á Víðimýri í Seyluhreppi 1845-1846, á Kirkjuhóli hjá Víðimýri 1846-1847, á Eiríksstöðum í Svartárdal 1847-1848 og á Gili í Svartárdal 1848-1849. Bóndi í Bergsstaðaseli í Svartárdal 1849-1863. Húsmaður á Stóra-Búrfelli í Svínavatnshreppi 1863-1865, á Eiríksstöðum 1865-1868 og á Barkarstöðum í Svartárdal 1868-1871. Bóndi í Teigakoti í Svartárdal 1871-1876. Húsmaður í Kálfárdal á Skörðum 1876-1879 og í Valadal á Skörðum 1879-1883. Fyrri kona, g. 4. okt. 1824, Sigríður Símonsdóttir, f. 1760 (sk. 6. maí 1760) í Auðbrekku í Hörgárdal, d. 6. febr. 1840 á Brenniborg. Hún var húsfreyja á Brenniborg 1781-1792, á Víðimýri 1792-1802 og á Brenniborg 1802 til æviloka. Foreldrar: Símon Sigurðsson Bech bóndi á Bakka í Öxnadal og fyrri kona hans Þuríður Jónsdóttir. Seinni kona, kl. 14. maí 1850 / g. 30. okt. 1850, Sigríður Sigurðardóttir, f. um 1808 í Reynistaðarsókn í Skagafjarðarsýslu, d. 20. maí 1864 á Stóra-Búrfelli. Hún var vinnukona á Krithóli á Neðribyggð 1823-1824, á Kirkjuhóli 1828-1831, á Brenniborg 1831-1832, í Eiríksstaðakoti í Svartárdal 1832-1833, á Marbæli á Langholti 1833-1835, á Kirkjuhóli 1835-1837, í Húsey í Vallhólmi 1837-1838, á Steiná í Svartárdal 1842-1843 og á Barkarstöðum 1847-1849. Foreldrar: Sigurður Brandsson bóndi í Pottagerði í Staðarhreppi og kona hans Halldóra Samsonsdóttir.

3dMálfríður Jónatansdóttir, f. 9. febr. 1805 í Eyvindarstaðagerði, d. 2. okt. 1883 í Eiríksstaðakoti í Svartárdal. Vinnukona á Vatnsenda á Skörðum 1825-1826 og á Fjósum í Svartárdal 1826-1828. Bústýra í Eiríksstaðakoti 1828-1833. Húsfreyja á Eiríksstöðum í Svartárdal 1833-1851, í Eiríksstaðakoti 1851-1868 og á Eiríksstöðum 1868-1872. Húskona á Eiríksstöðum 1877-1879 og í Eiríksstaðakoti 1879 til æviloka. Fyrri maður, g. 29. maí 1833, Pétur Eyjólfsson, f. um 1793 á Eiríksstöðum, d. 7. sept. 1844 á Eiríksstöðum. (Skiptab. Hún. 2. maí 1845). Foreldrar: Eyjólfur Jónsson bóndi á Eiríksstöðum og kona hans Þorbjörg Pétursdóttir. Seinni maður, g. 9. maí 1845, Bjarni Oddsson, f. 1818 á Brún í Svartárdal, d. 6. maí 1872 á Eiríksstöðum. Hann var ráðsmaður í Steinárgerði í Svartárdal 1837-1838, í Eyvindarstaðagerði í Blöndudal 1838-1840, á Steiná í Svartárdal 1840-1842 og á Brenniborg á Neðribyggð 1842-1844. Foreldrar: Oddur Ólafsson bóndi á Brún og kona hans Ingunn Jónsdóttir.

3eJón Jónatansson, f. 7. jan. 1807 í Eyvindarstaðagerði, d. 23. mars 1865 á Vindheimum í Tungusveit. Vinnumaður í Eiríksstaðakoti í Svartárdal 1830-1832, á Ytri-Löngumýri í Blöndudal 1832-1834 og á Eiríksstöðum í Svartárdal 1834-1847. Bóndi á Krithóli á Neðribyggð 1847-1864. Húsmaður á Vindheimum 1864 til æviloka. Kona, g. 9. maí 1845, Ingibjörg Arnþórsdóttir, f. 5. júní 1827 á Krithóli, á lífi í Argylebyggð í Manitoba 1901. Hún var bústýra í Syðra-Vallholti í Vallhólmi 1875-1878, á Skottastöðum í Svartárdal 1881-1882 og á Stóra-Búrfelli í Svínavatnshreppi 1882-1884. Foreldrar: Arnþór Arnþórsson bóndi á Krithóli og kona hans Ingiríður Þorsteinsdóttir.

3fIngiríður Jónatansdóttir, dó ung. (Skeggsstaðaætt; Ættatölub. Sighvats Grímssonar, 637).

3gJónatansbarn, dó ungt. (Skeggsstaðaætt).

3hJónatansbarn, dó ungt. (Skeggsstaðaætt).


 

Flettingar í dag: 115
Gestir í dag: 28
Flettingar í gær: 31
Gestir í gær: 20
Samtals flettingar: 478550
Samtals gestir: 92242
Tölur uppfærðar: 3.4.2020 19:53:22